МОНГОЛ СYМ » БУРХАДЫГ ӨӨРТӨӨ БҮТЭЭХ БЯСАЛГАЛ

Ангилал

ГҮРҮ ЁОГ БЯСАЛГАЛ

Статистик мэдээлэл

Хандив

БУРХАДЫГ ӨӨРТӨӨ БҮТЭЭХ БЯСАЛГАЛ

Мэдээ оруулсан: Ц.Нармандах
Огноо: 6/5/2009

Итгэл
Хиргүй ариун, хосгүй гэгээрлийг олсон билгүүн цэнгэлт,
Дээд энэрэл хайрын хязгааргүй уран аргат,
Миний сэтгэл зүрхэнд оршигч
Амгалан ажирсан бурхдад үүрд итгэмү.

Атхаг сэтгэл бүхнээс ангижруулагч,
Агуу бодь сэтгэлтний төгс баялгийн ундрага,
Юмс бүхний нэгдмэл мөн чанар
Дээд номд үүрд итгэмү.

Хүлээснээс жинхэнэ утгаар гэтэлж,
Их нигүүлсэнгүйн үр шим болсон цог жавхлан төгөлдөр
Гэгээрлийн ариун замын үлгэр дуурайл
Буяныг сахигч эрхэм нөхдөд итгэмү.

Бодь сэтгэл
Санаа сэдэл, үр дагавар нь ариун тул
Див бузар бүхний үндсийг сугалагч,
Үлэмжийн хүсэл тэмүүллээр чимсэн
Сэтгэл юугаа дээд гэгээрэлд залъя.
Эх болсон хамаг амьтны тусын тулд
Бие, хэл, сэтгэлдээ таныг цогцлоох
Чин ариун бодь сэтгэлээр
Таныг бүтээх бясалгалыг үйлдсүгэй.

Бүтээл
Ум сувава шүдэ сарва дарма сувава шүдэ хум.
Хамаг юмс үзэгдэл хоосон чанарт бөлгөө. Хоосон чанарын агаараас Бам үсэг тодорч бадам цэцэгт хувирав. А үсэг тодорч саран мандалд хувирав. Лянхуа болон саран мандлын дээр өөрийн сэтгэлийн мөн чанар үр үсгийн дүрээр тодрон гялалзах авай. Улмаар түүнээс хурц гэрэл цацарч, өргөл тахилаар орчлонгийн хүлээснээс ангижирсан дээдэст тахил өргөл өргөв. Дахин гэрэл цацарч орчлонд эргэгч хамаг амьтны зовлонг арилгах ач өршөөлийн хурыг буулгав. Цацарсан гэрэл эргэж хурахад үр үсэг ядам бурханд хувирав. (Энэ үед сонгож шүтсэн бурхныхаа дүрд өөрийгөө хувирснаар бодно)
Оройд цагаан ум үсэг, хоолойд улаан ө үсэг, зүрхэнд хөх хум үсгээр бэлгэдсэн түүнээс гэрэл цацарч, үнэмлэхүй чанарын агаараас ариун сүнс билгийг урин залав.За хум бам хо. Тангарагт дүрд уусан шингэснээр, нэгэн чанарт боллоо.
Зүрхний хум үсгээс дахин гэрэл цацарч авшгийн бурхдыг залан, авшиг хүртсэнээр язгуурын бурхнаар тэргүүн юугаа чимлээ.

Тахил
Ум сарва датагата аргам брадиза хум суха.
Ум сарва датагата бадъям брадиза хум суха.
Ум сарва датагата бүсвэ брадиза хум суха.
Ум сарва датагата дүвэ брадиза хум суха.
Ум сарва датагата алогэ брадиза хум суха.
Ум сарва датагата гандэ брадиза хум суха.
Ум сарва датагата нэйвидье брадиза хум суха.
Ум сарва датагата шабда брадиза хум суха.

(Энэ тарнийг уншихдаа бүх юмс үзэгдэл бурхныг баясгах тахилын мандал болон цэцэглэж буйг бясалгана.)
Магтаал
Авралын орны хураангуй
Амин зүрхний багш
Алдрыг тань дурдсан төдийд
Атхаг хорын үндсийг тасалж,
Амар амаглангийн дээжийг соёрхогч
Анхдагч итгэл танаа мөргөмү.
Адислан соёрх.

Зүрхэн тарнийг урих
Өөрийн зүрхний саран мандлын дээрх Хум үсгийг тойрон ядам бурхны зүрхэн тарни эрхин хэлхээ болон гэрэл цацруулан орчино.
Зүрхэн тарнийн эрхисээс гэрэл цацрах тоолон эх болсон хамаг амьтны хир хилэнц, зовлон шаналгааг ариусгаж, үлэмжийн дээд бурхад, бодисадва нарын адис ивээл бүхнийг өөрт шингээх бөлгөө. (Ийнхүү бясалгах зуур зүрхэн тарнийг зуун найм буюу мянга наян тоогоор уншина.)
Ерөөл
Энэ бясалгалаар би даруй түргэн
Бурхан бүхний хотол чанарын цогц
Очирдарийн гэгээрлийг олж,
Хамаг амьтныг чөлөөлөх болтугай.

Энэ үлэмжийн чанарт бясалгалыг
Зүй утгаар бүтээхэд саад үгүй байж,
Орон цаг тутамд ариусан гийсээр
Хотол ертөнцийн харанхуйг гийгүүлэх болтугай.

Эх сурвалж:

Нэр: sain uils delgerh boltugai АйПи: 211.105.49.30 Огноо: 2/20/2010

их сайхан юмаа

Нэр: Баярлалаа АйПи: 122.167.156.84 Огноо: 4/20/2010

үнэхээр сайхан юм

Нэр: би АйПи: 202.131.226.98 Огноо: 4/21/2010

Хүлээснээс жинхэнэ утгаар гэтэлж, Их нигүүлсэнгүйн үр шим болсон цог жавхлан төгөлдөр Гэгээрлийн ариун замын үлгэр дуурайл Буяныг сахигч эрхэм нөхдөд итгэмү.гэсэн нь ямар учиртай юм бэ хуврагийн чуулган байхаа больсон юм уу.

Нэр: Оюугаа АйПи: 202.131.227.37 Огноо: 7/20/2010

энэ сайтыг өнөөдөр л олж уншлаа үнэхээр сайхан юм аа, эртхэн мэдэж байгаагүйдээ харамсах сэтгэл их байвч оройтоогүй байх, Бүгдийг уншинаа их сайхан ариун гэгээлэг зүйлсээр оюун ухаан зүрх сэтгэлээ тэтгэн унших зүйлтэй болсондоо баярлан догдолж байна. үнэхээр их баярлалаа

Сэтгэгдэл оруулах: