Хоолны сав, хоёр аяга кофе
Мэдээ оруулсан: Админ
Огноо: 1/20/2010
Профессор багш философийн хичээлээ эхлэхийн өмнө урдаа зарим нэг зүйл тавьсан байлаа. Хичээл эхэлмэгц профессор юу ч хэлэлгүйгээр хоосон савыг аваад гольфийн бөмбөгөөр дүүргэв.  Ингээд уг сав дүүрэн байгаа эсэхийн оюутнуудаасаа асуухад тэд ч сав гольфийн бөмбөгөөр дүүрсэн гэдэгийг хэллээ.
Дараа нь профессор хайрцагтай жижиг хайрга аваад түүнийгээ өнөөх савруу хийхдээ саваа бага зэрэг сэгсэрхэд өнөөх жижиг хайрга чулуунууд нь гольфийн бөмбөгнүүдийн засраар чигжин орж байлаа. Ингээд тэрээр сав дүүрсэн эсэхийг дахин асуухад оюутнууд ч сав дүүрсэн байна гэдэгийг санал нэгтэйгээр хэллээ.
Дараа нь профессор хайрцагтай элс аваад түүнийгээ өнөөх савруу асгалаа. Мэдээж энэ удаад ч элс үлдсэн бүх зай завсарыг дүүргэлээ. Ингээд тэр сав дүүрсэн эсэхийг дахин асуухад оюутнууд нь нэгэн дуугаар “Тийм” гэж хариуллаа.
Профессор ширээн доороосоо хоёр аяга кофе гаргаж ирээд түүнийгээ өнөөх савруу хийхэд үлдсэн зайг нь кофе дүүргэж  сав жинхэнэ ёсоор дүүрэн болоход оюутнууд бүгд инээлдэцгээлээ.  
“За тэгэхээр” гэж профессор үгээ эхлээд “Энэ хоолны савыг та нар өөрийхөө амьдрал гэж төсөөлцгөө. Харин эдгээр гольфийн бөмбөгүүд бол та бүхний итгэл үнэмшил, шашин шүтлэг, гэр бүл, үр хүүхэд, эрүүл мэнд, найз нөхөд болон дуртай зүйлс зэрэг таны амьдралд зайлшгүй чухал зүйлс. Бусад бүх зүйлийг алдсан ч энэ бүхэнтэйгээ үлдэж чадвал таны амьдрал тэгш дүүрэн байж чадна.”
“Хайрга чулуунууд  нь таны ажил төрөл, орон байр, машин унаа зэрэг бусад зүйлс. Харин элс  тийм ч их ач холбогдолгүй бусад жижиг зүйлс. Хэрэв элсийг эхлээд саванд хийвэл хайрга чулуунууд болон гольфийн бөмбөгүүдийг хийх зай гарахгүй. Амьдралд ч мөн ялгаагүй. Хэрэв чи бүх хүч хөдөлмөр, цаг хугацаагаа эдгээр жижиг зүйлсэд үрэх аваас амьдралынхаа чухал зүйлсэд цаг зарцуулах боломж чамд хэзээ ч гарахгүй.
Тиймээс зайлшгүй чухал зүйлсдээ анхаарал хандуулж бай. Хүүхдүүтэйгээ тоглож, эцэг эхдээ цаг гарга. Өвөө эмээдээ очиж бай. Эрүүл мэндийн шинжилгээнд цаг гарга. Хань ижилдээ цаг зориулж хамт хоолонд орж бай. Орон гэрээ засах, цэвэрлэх, хог хаягдлаа хаяхад цаг ямагт олдоно.  Иймийн тул гольфийн бөмбөгүүд буюу амьдралын зайлшгүй чухал зүйлсэд санаа тавь. Зайлшгүй зүйлсийг хэзээ ч бүү орхигдуул. Харин үлдсэн хэсэг нь зүгээр л элс.”
Гэтэл нэг оюутан гар өргөөд кофе юуг илэрхийлж байгааг асуулаа. Профессор инээмсэглээд “Чамайг үүнийг асуусанд би баяртай байна” гээд “Харин кофений хувьд амьдрал хичээн бүрэн дүүрэн мэт санагдавч найз нөхөдтэйгээ хоёр аяга кофе уучих цаг ямагт гардаг юм даа” гэж хариулав.
Таны амьдралын асуудлууд хэтэрхий их бүр хоногийн 24 цаг ч багадах мэт санагдах тэр үед энэхүү хоолны сав хийгээд хоёр аяга кофений тухай санаж байгаарай.

Англи хэлнээс орчуулав.
2010.01.20

Эх сурвалж:
Нэр: O  АйПи: 32.177.94.212   Огноо: 1/21/2010

Сайхан орчуулсан байна. Маш их орчуулж монгол хэлэндээ гаршиж аваарай. Тооноос чанарт шилждэг юм шүү. Уран бүтэлд чинь амжилт хүсэхийн далимд цаашид хэрэг болох болов уу гэж бодоод ганц хоёр зөвлөгөө өгье. Чамайг үүнийг асуусанд би баяртай байна гэж монголоор хэлэхгүй л дээ. Энэ нь англи эхдээ хэт баригдсаных.Зөв,тун зүйтэй юм асуулаа ч гэдэг юмуу,нэг л монгол байх,гэхдээ цаад хүнийхээ хэлснийг яг дамжуулах ёстой л доо. Мөн цаг,сав гэдэг үгнүүд нэг өгүүлбэрт хоёр дахин орсон байх жи
Нэр: O  АйПи: 32.177.94.212   Огноо: 1/21/2010

Сайхан орчуулсан байна. Маш их орчуулж монгол хэлэндээ гаршиж аваарай. Тооноос чанарт шилждэг юм шүү. Уран бүтэлд чинь амжилт хүсэхийн далимд цаашид хэрэг болох болов уу гэж бодоод ганц хоёр зөвлөгөө өгье. Чамайг үүнийг асуусанд би баяртай байна гэж монголоор хэлэхгүй л дээ. Энэ нь англи эхдээ хэт баригдсаных.Зөв,тун зүйтэй юм асуулаа ч гэдэг юмуу,нэг л монгол байх,гэхдээ цаад хүнийхээ хэлснийг яг дамжуулах ёстой л доо. Мөн цаг,сав гэдэг үгнүүд нэг өгүүлбэрт хоёр дахин орсон байх жи
Нэр: Admin  АйПи: 64.211.204.11   Огноо: 1/21/2010

Үнэтэй зөвлөгөө өгсөн явдалд баярлалаа. Мэргэжлийн орчуулагч биш, бас хэлний мэргэжилтэн биш болохоор хэл найруулга орчуулга дээр анхаарах, мэдүүштэй сурууштай зүйл их бий. Чин сэтгэлнийн зөвлөгөөг тань хүлээн авч хичээх болно.
Нэр: Алтуу  АйПи: 124.158.77.175   Огноо: 4/8/2010

баярлалаа
Нэр: чи хэдийнээ орчуулагч болсон байна.  АйПи: 203.91.113.13   Огноо: 4/11/2010

хэ хэ энийг уншсан хэн ч бай юу хэлэх гэсэн тэр утгыг ойлгож авч чадах байна сайхан орчуулга гэхээсээ сайхан дүгнэлт байна. дахин олон зүйл тавиарай
Нэр:  АйПи: 203.91.117.3   Огноо: 6/5/2010

Мундаг. Ийм гоё юм тавьдаг.
Нэр: Оюунаа  АйПи: 202.131.227.37   Огноо: 7/20/2010

талархлаа сайхан байна

Сэтгэгдэл оруулах:
© MongolianTemple.com 2009
    Design and Deveopment