Шарибудра хуврагийн түүх - Худал хуурмаг нь үнэн гэгээрлийн хориг саад
Мэдээ оруулсан: Админ
Огноо: 5/26/2010
Хосын цомирлог-11:
Худлыг үнэнд баригч, үнэнийг худалд тооцогч тэр хүн
Буруу үзлээр ямагт төөрөлдөн буй үнэнд хэзээ ч үл хүрнэ.

Хосын цомирлог-12:
Үнэнийг үнэнд үзэгч, худлыг худалд  ялгагч тэр хүн
Зөв үзлийг ямагт бэхжүүлж жинхэнэ гэгээрэлд хүрдэг.

Ялж төгс нөгцсөн Бурхан багш бээр Ражагаха хотын Хулсан ойн дэргэдэх Вэлувана хийдэд морилон байх цагтаа өөрийн хоёр шавь эрхэм хүндэт Шарибудра, эрхэм хүндэт Могалана нарын багш байсан Санжаяагийн явдалаас улбаалан энэхүү сургаалыг айлджээ. Эрхэм хүндэт Шарибудра,эрхэм хүндэт Могалана нар нь Упатиса, Колита  нэртэй байжээ. Упатиса, Колита  нар нь Ражагаха хотын ойролцоох Упатиса болон Колита нэртэй хоёр тосгоны хөвгүүд юм.

Тэр цагт Упатиса тосгоны язгууртан бярманы эхнэр Рупасари , Колита тосгоны язгууртан бярманы эхнэр Могали хоёул нэгэн өдөр төрж хүүтэй болжээ. Энэ хоёр бярманы гэр бүл долоон үеийн турш чин үнэнчээр нөхрөлсөөр ирсэн байлаа. Ингээд Упатиса тосгоны язгууртан  бярман хүүдээ Упатиса харин Колита тосгоны язгууртан бярман нь хүүдээ Колита гэсэн нэр хайралжээ. Хоёр хүү өсөж том болохдоо бүх төрлийн урлагийг төгс эзэмшжээ. Язгууртан хоёр хөвгүүнийг хаа явсан газар нь тус бүр таван зуун бараа бологчид дагалддаг байлаа.

Ражагахи хотод жил бүр Уулын оргил хэмээх цэнгэл наадам болдог байжээ. Хоёр хөвгүүний сэнтий нэг дор байрлаж цэнгэл наадмыг хамтдаа үздэг байлаа. Тэд инээхдээ цуг инээж, хөгжилдөхдөө хамт хөгжилдөн, өглөг хишиг түгээхдээ ч цугтаа тараасаар долоон өдрийн турш цугтаа явдаг байлаа.

Эрийн цээнд хүрч ухаан суух үеэс “Бид яагаад үүнийг үзэх ёстой юм? Зуун жил ч бололгүй хүн бүр нас эцэслэдэг бишүү? Харин ч энэ бүхэнтэй эвлэрэхээсээ илүүтэй үнэний замыг эрж олсон нь дээр” хэмээн эргэцүүлжээ. Энэ бүхнийг сэтгэлдээ эргэцүүлэн бодол болон сууцгаадаг байлаа. Нэгэн өдөр Колита Упатисад хандан “Эрхэм Упатиса анд минь чи өмнөх шигээ сэтгэл хангалуун, баяр баясгалантай харагдахгүй харин ч уйтгарлан шаналсан царайтай байх чинь. Чи юун тухай бодов?” гэж асуулаа. “Эрхэм анд Колита минь энэ бүх зүйлийг харахад мөнхөд үргэлжэх баяр баясгалан гэж үгүй юм байна. Энэ бүхэнд ямар ч үнэ цэнэ алга. Энэ бүхэнтэй эвлэрэхээс илүүтэйгээр үнэнийг эрэх нь дээр санагдлаа. Харин чи юунд ингэтлээ уйтгарлав” гэхэд Колита мөн ижил зүйл хариулжээ. Ингэж тэд юмс үзэгдийн хуурмаг хоосныг эргэцүүлэн ухаарсны эцэст үнэний эрэлт гарахаар шийдэцгээжээ.

Тэр цагт нэр алдар нь олонд түгсэн Санжаяа нэрт даянч олон шавь нарын хамтаар Ражагаха хотод ирсэн байлаа. Бид энэ орчлонгийн жаргалаас уйсах сэтгэл нэгэнт төрсний тул Санжаяагийн шавь болж хувраг болъё гэцгээн өөрсдийн бараа бологчдоос таван зууг нь буцааж үлдсэн таван зуун дагуулын хамтаар Санжаяад шавь оржээ.  Ийнхүү тэр хоёр Санжаяад шавь орсноор түүний нэр алдар урьд хожид байгаагүй өндөрт хүрчээ. Гэвч тэр хоёр тун багахан хугацаанд Санжаяагийн заасан бүхнийг эзэмшжээ. Ингээд тэд “Багш минь бидний сурсан бүхэн таны мэддэг бүхэн үү? Эсвэл үүнээс илүү зүйл үлдсэн үү?” гэхэд “Би мэддэг бүхэнээ та нарт заасан билээ” хэмээн хариулжээ. Ингээд  тэд бүхэл Жарнбудипа даяар жинхэнэ үнэн номыг олохоор хэрэн явсан ч эрсэн үнэнээ эс олсоны тул эргэж гэртээ харьжээ. Гэр гэрийн зүг салахын өмнө хэн түрүүлж үнэн номыг олж таньсан нь нөгөөдөө хэлж дуулгахаар тохирчээ.

Нэгэн өдөр Упатиса эрхэм хүндэт Ассажитай уулзжээ. Упатиса түүнд хандан “Гэгээн дүр нь тань амар амгалан,  гадаад үзэмж тань цэвэр тунгалаг та жинхэнэ үнэн номыг олж танив уу? Хэний сургаал, номлолыг та сонсоо вэ? Хэн таны багш вэ? гэж асуухад Ассажи  “Би хувраг болоод удаагүй, тун саяхнаас л Бурхан багшаас сургаал, номлолыг нь сонсож эхэлсэн билээ” гэж хариуллаа. “Намайг Упатиса гэдэг тэр сургаал номлолоос бага болтугай надад хэлээч би түүний утгыг түмэн янзаар тайлж ойлгож чадна” гэж шалахад Ассажи түүнд хандан “Буй бүхэн учир шалтгааны үр болой... ” хэмээн давтан хэлэхийг сонсоод тэрээр гэгээрлийн жинэхэн үнэнийг ухан ойлгож “Буцалтгүй орсон”1 төвшинд хүрч гэгээрчээ . Ингээд амалсан ёсоороо Колитаг олж очоод тийнхүү таньсан үнэний сургаалыг тайлбарлан хэлэхэд Колита ч мөн  үнэнийг ойлгон ухаарч Үргэлжид орсон түвшинд гэгээрчээ. Тэд Бурхан багшид шавь орохоор шийдэж тэдэнд ном номлож байсан Санжаяа багшдаа буцан очоод “Бид дээд үнэний номыг бидэн зааж чадах нэгнийг олж мэдлээ. Та бидэнтэй хамт явах уу?” гэхэд Санжаяа “Та нар явцгаа. Харин би бол үгүй. Өнгөрсөн хугацаанд би олон хүний багш явсан болохоор одоо шавь болно гэдэг миний хувьд учир утгагүй” гэлээ. “Багш минь та бүү ингэ. Бидэнтэй цуг яваач. Та одоо юу хийх гээв?” гэхэд Санжаяа “Эрхэм нөхөд минь, энэ орчлонд ухаант мэргэд нь олон уу? Ухамсахгүй тэнэг нь олон уу?” гэж  асуулаа.  “Багш минь, ухамсар муут нь ухаант мэргэдээсээ олон билээ” гэж хариулав. “За тэгвэл ухаант цөөн мэргэд нь Гватама  хуврагруу явж, ухамсар муут олон нь над дээр ирж байг дээ.” гэхэд Упатиса, Колита нар түүнийг орхин явлаа.

Санжаяагийн шавь нараас хоёр зуун тавь орчим хувраг мөн тэр хоёртой нэгджээ. Тэд Бурхан багшийг Вэлувана хийдэд заларч байх цагт хүрч очин шавь орж Упатиса нь Шарибудра нэртэй, Колита нь Могалана нэртэй болжээ. Тэд мөн Санжаяагийн ирээгүй учрыг айлтгасанд Бурхан бурхан багш энэхүү сургаалыг айлджээ.

Хосын цомирлог-11:
Худлыг үнэнд баригч, үнэнийг худалд тооцогч тэр хүн
Буруу үзлээр ямагт төөрөлдөн буй үнэнд хэзээ ч үл хүрнэ.

Хосын цомирлог-12:
Үнэнийг үнэнд үзэгч, худалыг худалд  ялгагч тэр хүн
Зөв үзлийг ямагт бэхжүүлж жинхэнэ гэгээрэлд хүрдэг.


Орчуулсан 2010.05.26 

Эх сурвалж:
Нэр: batsukh  АйПи: 203.91.112.57   Огноо: 5/27/2010

их сайхан зүйл явуулж байгаад чинь баярлаж байдаг шүү та бүхэнд Буддагийн их тэмдэглэлт өдрийн мэнд хүрье
Нэр: Admin  АйПи: 67.90.76.201   Огноо: 5/27/2010

баярлалаа. Танд ч бас их дүйчин өдрийн мэнд хүргэе.
Нэр: Сайн ухаж ойлгодоггүй ээ  АйПи: 165.132.181.76   Огноо: 6/25/2010

Санжаяа багш нь тэгэхээр үнэнд хэзээч үл хүрнэ гэсэн үг үү?
Нэр: Санжаяа багш  АйПи: 67.90.76.201   Огноо: 6/25/2010

Санжаяа багш багш нь хоосон нэр алдарт дулдуйдсан болохоос үнэн гэгээрлийг олж танихийг хичээгээгүй гэсэн үг байх л даа. Манайд зарим нэг хуврагууд хуврагийн хувцас өмсчөөд л хуврагийн сахил журмаа сахихгүй хорвоогийн жаргалийг хөөсөн улс байдаг даа. түүнтэй л адил юм болов уу даа
Нэр: Өнөр  АйПи: 202.126.92.6   Огноо: 8/21/2010

Даммападагаа орчуулсан байна. Сайн болжээ.

Сэтгэгдэл оруулах:
© MongolianTemple.com 2009
    Design and Deveopment