Бат оршил үхэл үгүй хүслийг хангагч (Бадбрүл Лувсанчойнпэл)
Мэдээ оруулсан:
Огноо: 5/20/2010
Амгалан урвалт үгүй номын чанар мөнх бодитой
Анхнаас ариун хамт төрсөн насны өглөг тэнгэрийн
Ашид үхэшгүй очирын рашааны адистидэт шимээр
Авралт Богд тойн ламын лагшин насыг дээшид бататган зохио

Бурхан бүгдийн нууцын сан болсон очирыг барьсан
Бат итгэлт та бээр тэргүүлшгүйгээс илтэд бурхан болсон ч
Маш уужим оронп элдвийн рид хувилгааны бүжиглэлээр
Магад цэнгэх бээр амьтан бүхнийг боловсруулан зохиох дор сөгдмүй

Аяа дээдэс бодь сэтгэлтний хүндэтгэл
Анандаа хийгээд дүвчин Жодбидорж
Алдарт Жамъян цорж Дараната тэргүүтэн
Ариун Энэтхэг Төвдийн бандида хид хувилгаан үзүүлэгчдийг сайшаамуй

Ялангуяа умар зүгийн шашны их зул
Ямагт өөрөө гэгээрсэн Занабазараас эхлэн
Яруу алдарт Жэвзүндамбын титэм зүүсэн
Ялгуусан дараалан заларсан нугуудад залбирмуй

Авралт хоёрдугаар ялгуулсан Жамбалнямбуун
Ариун увдисаар шавийг боловсруулан гэтэлгэгч
Аугаа гүн нууц номын дуазыг баригчийн эрхэм
Авралын дээд богд тойн лам нар дор залбирмуй

Зөөлөн итгэлтийн шашны ёс цог төгс чадагчийн эрхэтийн
Зөнд нь гэтэлгэх шашны сайн өргөөг үзэсгэлэнтэй чимэглэсэн
Судар тарнийн номын дуаз номлох, бүтээх бээр
Суу өндөр өргсөнчлөн зуун галавт амьдран таалан соёрх оо

Адаг, эхэн, завсар буяны гүн дэлгэр иш онолын
Алтан мянган хигээс бадарсныг огоот эргүүлсэнээр
Агуу сансар нирвааны ялгуусны арга цог дор эрхэнд урвуулж
Ариун номын багш та өндөр очир ширээнд өлмий бат орших болтугай

Тааллыг төрүүлсэн нарнаас цацарсан идэвхижилтийн
Таны зохиол үйлсийн алтан гэрлийн гэгээн гэрэл шашин амьтны
Тус амгалангийн мянган навчит баягалангийн цэцэрлэг мишээлгэн
Тэр үл зохиолдох хар үүл зэтгэр үгүй болтугай.

Бурханы нууц гурван зохиол сэлт дор үл биширснээр
Буруу атгаг хилэнцийн унал бүхнийг арилган, зарлигчилан
Бүтээх тахилаар баясган төрөл бүхэндээ
Бат дагуулан барихын зарлигийн рашаанаар амьдрах болтугай

Хэрцгий лалын өмөг асурын мөн ёс
Хэзээд мэргэн арга нигүүлсэхүйгээр эрэн таслан зохиогч оньс
Хувь хураахын өмнө төгс төгөлдөр шинэ ургах цагт
Ригдандагвын шавийн дээд болсон дор сайшаамуй

Агуу газар мөрийн эрдмийн далайг хэмжихүйеэ бэрх
Ариусах, боловсрох, төгсөх гурван сал онгоцоор гаталсаны эцэст
Анхилуун үнэр төгс оронд ариусан гэгээрэхэд
Анх нууцыг барих хөвгүүний дээдийг олох болтугай

Төрөл тутамд огоот зарлигийг сахих тангарагтай
Тэрхүү цогт итгэл Драгшад улаан сахиусны хүчит галаар
Тэрсүү шулмасын саад зэтгэр өмгийг шатаан нэгэн хамт
Тааллын утгыг аяндаа бүтээх үйлсийн хиур далайсан

Тэр мэт залбирсан ерөөлийн тусад лам бурхад
Тийн авралын гурван сахиус сэлтийн адистэдын хүч
Тэрхүү шүтэн барилдлага хуурмаг үгүй үнэний хүчээр
Түргэн ямагт аяндаа бүтэх өлзийн буян дэлгэрэх болтугай

Эх сурвалж:

Сэтгэгдэл оруулах:
© MongolianTemple.com 2009
    Design and Deveopment