МОНГОЛ СYМ » Үхлийг анагаах ухаан

Үхлийг анагаах ухаан

Мэдээ оруулсан:
Огноо: 3/23/2010

Ганжуур судараас

ГИСА КОТАМИ нэртэй нэгэн бүсгүй гэрлэж, удалгүй хүү төрүүлэн, хүүгээ маш ихээр хайрладаг байжээ. Хайртай хүү нь хөлд орж эхлэх үедээ унаж хүндээр өвдөөд удалгүй нас барав. ГИСА КОТАМИ маш ихээр зовон шаналав. Ганц хүүгээсээ хагацахыг хүлээн зөвшөөрсөнгүй, бүсгүй хүүгээ чангаар тэвэрч энэ тэнүүгээр яван тааралдсан хүн болгоноос хүүгээ эргэн амьдруулах ямар нэгэн арга болон эм сураглав. Азаар нэгэн ухаант хүн түүний хэцүү байдлыг ойлгож бүсгүйд “Будда л ганцхан үхлийг эмчилж чадна” гээд Будда руу очихыг зөвлөжээ.

                Будда бүсгүйн сэтгэлийн гүн шаналал зовлонг хараад, түүнд ямар нэгэн тайлбар хэлэхээс илүү гүн утга бүхий аргаар энэ бүхнийг ойлгуулах нь чухал гэдгийг мэдэв. Будда бүсгүйд ийнхүү хэлжээ: Хэрвээ чи хүүдээ буудайн үр авчирвал хүү чинь эргэн амьдарч чадна. Гэхдээ буудайн үрийг ямар нэгэн үхэл зовлон хэзээ ч болоогүй айлаас авчрахыг анхааруулжээ. Тэр үрийг олж ирвэл чиний хүү эргэн амьдарна хэмээв.

                ГИСА КОТАМИ сэтгэл нь хөдлөн хөнгөрч, хүүгээ өөрийнхөө хажууд тоглохыг дахин харна гэхээс машид баярлав. Бүсгүй их итгэлтэйгээр айлаас айлын хооронд хурдан явсан боловч үхэл зовлон тохиолдоогүй айл хаанаас ч олсонгүй гэнэ. Үүр цайтал явсны эцэст бүсгүй ганцаараа зовлон шаналалд унасан биш, хүн болгон л зовж, хайртай хүнээ алджээ. Энэ бүхнийг ухаарсан бүсгүй Будда өөрт нь юу ойлгуулахыг хичээснийг мэдэж, хүүгийнхээ үхлийг өөрийнхөө амьдралаас салангид болохыг ойлгожээ. Бүсгүй хүүгээ оршуулсныхаа дараа Буддад очиж үхэл зовлонгүй нэг ч гэр бүл олж чадаагүйгээ хэлжээ.

                Будда ийн өгүүлжээ ” Чи ганцаараа зовлон шаналалтай хүн огт бишээ. Үхэл гэдэг нь амьдран тогтнож байгаа бүх зүйлд тохиолддог, бидний энэ мөнх бус нь амьдралын жирийн нэгэн хэсэг билээ”.

ГИСА КОТАМИ удалгүй гэлэнмаа болж их хичээн зүтгэл гаргаснаар дээд гэгээрэлд хүрчээ.

Бид амьдралын өчүүхэн богино хугацаанд амьдардаг.
Амьдрал эцэс төгсгөлгүйг зуун жил ухамсарлахгүй явснаас үүнийг ойлгон нэг өдөр амьдарсан нь дээр буюу.

Баярлалаа.
Орчуулсан
Ц.Нармандах

Эх сурвалж:

Нэр: amsoo АйПи: 211.221.58.121 Огноо: 3/24/2010

http: sergegsuns.blogspot.com Баярлалаа танид

Нэр: amjilt husie manda АйПи: 93.2.146.31 Огноо: 4/6/2010

Нэр: Алтуу АйПи: 124.158.77.175 Огноо: 4/8/2010

Хүний нялх, балчир хүүхэд гэхээр даанч дэндүү харамсалтай. Нэгэнт өндөр насалсан хийж бүтээсэн харамсах зүйлгүй хүний ар гэрийхэнд харамсалтай ч жам юм гэж бодогдохоор.............. мэдэхгүй юм даа

Нэр: о АйПи: 202.131.227.37 Огноо: 7/23/2010

Бурхан багшийн сургааль номон дээрээс өчигдөр дээрх сургамж өгүүллэгийг уншсан,

Сэтгэгдэл оруулах:

Ангилал

Статистик мэдээлэл

Хандив